جزوی لاک ڈاؤن میں نرمی کے بعد عید شاپنگ کیلیے ریڈی میڈ گارمنٹس شاپس پر گاہکوں کا رش ہے، شرٹس اور پینٹس کی بار بار ٹرائی سے کورونا پھیل سکتا ہے۔

 رمضان المبارک کا تیسرا عشرہ شروع ہوتے ہی شہری عید شاپنگ کیلئے ریڈی میڈ گارمنٹس شاپس پہنچ گئے، مگر ان گاہکوں کے دکانوں میں داخلے سے پہلے کورونا کی علامات کی چیکنگ کا کوئی نظام نہیں ہے۔

کورونا سے متاثرہ کوئی بھی مریض پیٹنٹس اور شرٹس کی ٹرائی کے عمل میں وائرس دوسروں میں منتقل کرنے کا باعث بن سکتا ہے۔

دکانداروں کا کہنا ہے کہ وہ ایس او پیز پر عمل کر رہے ہیں،مگر گاہکوں کی چیکنگ کا نظام دکان میں داخل ہونے سے پہلے ہونا چاہیے تاکہ کسی کورونا مریض کے ملبوسات کی ٹرائی سے مرض پھیل نہ جائے۔

دکانوں میں چیکنگ کے بغیر آمد اور شاپنگ کورونا کے پھیلاؤ میں خطرناک ثابت ہو سکتی ہے۔